XOMORRO TALDEA sortu dugu, zirrarak pizteko!

Web-orri berria sortzen ari gara .eus domeinuarekin. Bertan gure lan ildoen deskribapen zehatza, agenda,…edukiko duzue eskuragarri. Hortaz, laster arte!

Ongi etorriak Xomorro Taldearen web orrialdera!DSC_0013

Poliki-poliki, xomorro guztion lanaz, sortzen ari den taldea da hau. Taldekideon ezinegonetik loratutako ekimen bat.

Xomorroko kideak haur  eta  gazteekin   lanean  eskarmentua  daukagun profesional  taldea gara, ikasketa, arlo eta esperientzia aldetik benetan anitza. Besteak beste, gazteok lan duin bat lortzeko ditugun arazoak,  hezkuntza sisteman antzematen ditugun gabeziak, buruan ditugun proiektu ezberdinei izen bat jartzeko gogoak… eraman gintuzten, aurreko kurtsoaren amaieran, taldea sortzeko pausua ematera.

Ezinegon guzti hauetatik abiatuta, iadanik lanean ari gara hainbat eskola eta ekimen puntualetan, batipat Zirkoari lotutako hezkuntza ez formalean.  Izan ere,  gutako askok arlo honen inguruko formakuntza jaso  dugu, eta  gaur egun ere ezagutza  horiek pixkanaka handituz goaz. Argi ikusten dugu zirkoa ilusio berezia sorrarazi eta aniztasun, emozio, talde-lan eta sormen balioak sustatzeko tresna oso aproposa dela.

Gehiagorako, web orrian zehar saltsatzera gonbidatzen zaituztegu.

Eskerrikasko eta Bizi xomorro!

Advertisements